今天是202X年X月X日。對於小明來說，在他2021年的生命中，有兩件重要的事︰第一，三年前用呼吸Plan買的納米樓，終於可以收樓了；第二，成功追到阿珍，成為他的女朋友。

 

今天，亦有兩件重要的事︰第一，新屋裝修好了，阿珍答應第一次上佢屋企；第二，阿珍今晚很大機會唔走，與他渡過一個浪漫的晚上。

對於阿珍的來臨，小明花了很多心思，在前一天用大量心心貼紙及顏料，做一個很大的心型圖案，並親手做了一個心型蛋糕。小明打開門以後，向著阿珍展示心型圖案，並大叫一聲︰「Surprise﹗」

阿珍看見屋內的環境後，呆了半秒鐘，然後目無表情地說︰「哦……Surprise……點解間屋咁細嘅……」

 

阿珍看到的新屋，放了一張可以睡1.5個人的雙人床、一個小衣櫃、一個雜物櫃後，基本上餘下的空間，就只够小明與阿珍兩個人站著，連坐在地上都唔夠位。當然小明的衣服及雜物，絕對冇可能全部放入櫃內，只好放在其他地方，讓整間屋看起來有點像貨倉一樣。

小明對阿珍說︰「這個心型圖案，我做了一個晚上，喜歡嗎？我還做了一個心型蛋糕呢﹗」

「哦……很好……但屋內好似冇位企，我們去邊度食呢？」阿珍繼續目無表情。

「去露台食﹗」「哦……點解間屋咁細，有咁大個露台……？」他們走出露台食蛋糕，剛好有一陣風吹過，搞到阿珍成面都係Cream。阿珍唔食蛋糕了，回到屋內看電視，但電視與眼睛的距離只有兩呎五吋半，阿珍看了十多分鐘後就滿眼紅筋，回家去了。

 

小明看見阿珍走人，當然非常傷心。在同一時間，他手機收到一個短訊︰發展商低息按揭三年時限到期了，下月供款從原來17,000元變成28,000元，比他工資還要多。

「三年都冇加過人工，點供呀﹗」小明立刻打電話搵阿爸求救，但正在推車執紙皮的老豆回應︰「三年前我加按居屋，俾咗百幾萬你做一成首期及裝修，現在居屋供款都唔夠錢，點幫你啊﹗」

 

於是小明嘗試找銀行轉按，但呼吸Plan貸款按九成，加上估價不足，轉到銀行要補一百萬以上現金，入息比率及壓力測試也過不到關。在無可奈何的情況下，小明走進地產代理，希望可以放盤賣樓。

「我只要原價放出去就可以了﹗」小明對地產經紀說，但得到的回覆是︰「現在有七十幾個放盤，很多減價高達兩成，你原價點賣啊？」

「如果減價兩成，但按揭做了九成，豈不是要抬錢賣樓？」於是小明只好放租，以幫補每月供款，但地產經紀再說︰「放租盤有八十幾個排隊，你慢慢等吧﹗」

小明死灰面地離開地產代理，行了幾步後竟然看見阿珍的背影，親熱地拖著小強，嬌嗲地對他說︰「小強，你間公屋真係又大又靚﹗我哋幾時再上去食心型蛋糕啊？」

資料來源：